Go by Example: Enums

Sanab o’tilgan tiplar (enumlar) sum tiplarning maxsus holatidir. Enum bu cheklangan miqdordagi mumkin bo’lgan qiymatlarga ega tip bo’lib, ularning har biri alohida nomga ega. Go’da enum tipi alohida til xususiyati sifatida mavjud emas, biroq enumlarni mavjud til idiomalaridan foydalanib amalga oshirish oson.

 
package main
 
import "fmt"

Bizning ServerState enum tipimiz asosida int tipiga ega.

 
type ServerState int

ServerState uchun mumkin bo’lgan qiymatlar konstantalar sifatida aniqlanadi. Maxsus kalit so’z iota ketma-ket konstanta qiymatlarni avtomatik ravishda hosil qiladi; bu holatda 0, 1, 2 va hokazo.

 
const (
    StateIdle ServerState = iota
    StateConnected
    StateError
    StateRetrying
)

fmt.Stringer interfeysini amalga oshirish orqali ServerState qiymatlarini chop etish yoki satrlarga aylantirish mumkin.

Agar mumkin bo’lgan qiymatlar ko’p bo’lsa, bu noqulay bo’lib qolishi mumkin. Bunday holatlarda jarayonni avtomatlashtirish uchun stringer vositasi go:generate bilan birgalikda ishlatilishi mumkin. Batafsil tushuntirish uchun bu postni ko’ring.

 
var stateName = map[ServerState]string{
    StateIdle:      "idle",
    StateConnected: "connected",
    StateError:     "error",
    StateRetrying:  "retrying",
}
 
func (ss ServerState) String() string {
    return stateName[ss]
}

Agar bizda int tipidagi qiymat bo’lsa, uni transition ga uzata olmaymiz - kompilyator tip mosligi yo’qligidan shikoyat qiladi. Bu enumlar uchun ma’lum darajada kompilyatsiya vaqtidagi tip xavfsizligini ta’minlaydi.

 
func main() {
    ns := transition(StateIdle)
    fmt.Println(ns)
 
    ns2 := transition(ns)
    fmt.Println(ns2)
}

transition server uchun holat o’tishini emulyatsiya qiladi; u mavjud holatni qabul qiladi va yangi holatni qaytaradi.

 
func transition(s ServerState) ServerState {
    switch s {
    case StateIdle:
        return StateConnected
    case StateConnected, StateRetrying:

Faraz qilaylik, keyingi holatni aniqlash uchun bu yerda biror predikatlarni tekshiramiz…

 
        return StateIdle
    case StateError:
        return StateError
    default:
        panic(fmt.Errorf("unknown state: %s", s))
    }
}
 
$ go run enums.go
connected
idle

Keyingi misol: .

mualliflar: Mark McGranaghan va Eli Bendersky | tarjima: @elchintoyirov | manba | litsenziya