Go by Example: Generics

1.18-versiyadan boshlab Go generiklar uchun qo’llab-quvvatlash qo’shdi, ular tip parametrlari deb ham ataladi.

 
package main
 
import "fmt"

Generik funksiyaga misol sifatida, SlicesIndex istalgan comparable tipdagi slice va o’sha tipdagi elementni qabul qiladi hamda v ning s dagi birinchi uchrash indeksini, agar mavjud bo’lmasa -1 ni qaytaradi. comparable cheklovi shuni anglatadiki, biz ushbu tipdagi qiymatlarni == va != operatorlari bilan solishtira olamiz. Ushbu tip imzosining batafsilroq tushuntirishi uchun shu blog postiga qarang. E’tibor bering, bu funksiya standart kutubxonada slices.Index sifatida mavjud.

 
func SlicesIndex[S ~[]E, E comparable](s S, v E) int {
    for i := range s {
        if v == s[i] {
            return i
        }
    }
    return -1
}

Generik tipga misol sifatida, List istalgan tipdagi qiymatlarga ega bir tomonlama bog’langan ro’yxatdir.

 
type List[T any] struct {
    head, tail *element[T]
}
 
type element[T any] struct {
    next *element[T]
    val  T
}

Biz generik tiplarda xuddi oddiy tiplardagi kabi metodlarni aniqlay olamiz, lekin tip parametrlarini joyida saqlab qolishimiz kerak. Tip List emas, balki List[T] dir.

 
func (lst *List[T]) Push(v T) {
    if lst.tail == nil {
        lst.head = &element[T]{val: v}
        lst.tail = lst.head
    } else {
        lst.tail.next = &element[T]{val: v}
        lst.tail = lst.tail.next
    }
}

AllElements barcha List elementlarini slice sifatida qaytaradi. Keyingi misolda biz maxsus tiplarning barcha elementlari ustidan iteratsiya qilishning yanada idiomatik usulini ko’ramiz.

 
func (lst *List[T]) AllElements() []T {
    var elems []T
    for e := lst.head; e != nil; e = e.next {
        elems = append(elems, e.val)
    }
    return elems
}
 
func main() {
    var s = []string{"foo", "bar", "zoo"}

Generik funksiyalarni chaqirganda biz ko’pincha tipni avtomatik aniqlash ga tayanishimiz mumkin. E’tibor bering, SlicesIndex ni chaqirganda S va E tiplarini ko’rsatishimiz shart emas - kompilyator ularni avtomatik ravishda aniqlaydi.

 
    fmt.Println("index of zoo:", SlicesIndex(s, "zoo"))

… garchi biz ularni aniq ham ko’rsatishimiz mumkin.

 
    _ = SlicesIndex[[]string, string](s, "zoo")
 
    lst := List[int]{}
    lst.Push(10)
    lst.Push(13)
    lst.Push(23)
    fmt.Println("list:", lst.AllElements())
}
 
$ go run generics.go
index of zoo: 2
list: [10 13 23]

Keyingi misol: .

mualliflar: Mark McGranaghan va Eli Bendersky | tarjima: @elchintoyirov | manba | litsenziya